Azərbaycan Dövlət Pedaqoji Universitetinin (ADPU) Tədris Departamentinin Məzun Koordinasiya və Karyera bölməsinin təşkilatçılığı ilə universitetdə Fizika fakültəsinin 1978-1982-ci illərdə tələbələri olmuş məzunlarının mayın 27-də  40 illik yubileyləri keçirilmişdir.
Universitetin rektoru professor Cəfər Cəfərov görüşdə çıxış edərək ADPU-nun nailiyyətləri, yeniliklər və yeni inkişaf strategiyası haqqında  məzunlara ətraflı məlumat verdi. Məzun Koordinasiya və Karyera bölməsinin müdiri Könül Əsgərova 40 ilin məzunlarının Azərbaycanın müxtəlif bölgələrində təhsil işçiləri kimi fəaliyyət göstərmələrindən, elm və texnikanın yeniliklərini gənclərə yüksək səviyyədə öyrətdiklərindən söz açaraq onlara gələcək həyatlarında yeni-yeni müvəffəqiyyətlər arzuladı.
Fizika fakültəsinin dekanı dosent Arzu Daşdəmirovun bələdçiliyi ilə məzunlar vaxtı ilə dərs dinlədikləri auditoriyalara baş çəkib, yeni yaradılmış kabinetlərlə, laboratoriyalarla tanış olublar.
Tədbir qarşılıqlı müzakirələrlə davam etdi.