Azərbaycan Texniki Universitetində (AzTU) dekabrın 1-dən başlayan dekan seçkisi davam edir. Bu gün daha bir fakültənin dekanı məlum olub.

Seçkinin nəticələrinə görə, Əzizova Lalə Əlisəttar qızı “Energetika, elektrotexnika və avtomatika” fakültəsinin dekanı seçilib.

Qadın namizədin dekan seçilməsi AzTU tarixində bir ilkdir.

Qeyd edək ki, Lalə Əzizova 1968-ci ildə Bakıda anadan olub.

1986-1991–ci illərdə Azərbaycan Neft və Kimya İnstitutunun Energetika fakültəsini “İstilik elektrik stansiyaları” ixtisası üzrə fərqlənmə diplomu ilə bitirib.

2018-ci ilin iyul ayından “İstilik energetikası” kafedrasında kafedra müdiri vəzifəsində çalışıb.

66 elmi və tədris metodiki işin müəllifidir.