Polşa Respublikasının Varşava Universitetinin tarix fakültəsinin əməkdaşları, professor Mixail Speydel və Karolina Traş Azərbaycan Milli Elmlər Akademiyasının Milli Azərbaycan Tarixi Muzeyində (MATM) olublar.

Muzeydən Mektebgushesi.az-a bildiriblər ki, polşalı alimlər MATM-ın direktoru, akademik Nailə Vəlixanlı və elmi işlər üzrə direktor müavini, dosent Nərgiz Əliyeva ilə görüşüblər.

Sonra qonaqlar muzeyin arxeologiya, numizmatika və epiqrafika elmi fond şöbələrində onları maraqlandıran materiallar barədə məlumatlar toplayıblar.