ABŞ-ın Corc Vaşinqton Universiteti (CVU) və Azərbaycan Dövlət Pedaqoji Universiteti (ADPU) arasında magistratura səviyyəsi üzrə birgə təşkil olunan ikili diplom proqramı çərçivəsində 2021-2022-ci tədris ili üçün sənəd qəbulu davam edir.

Bu barədə Mektebgushesi.az -a Təhsil Nazirliyindən məlumat verilib. Bildirilib ki, proqram üzrə təhsil və insan inkişafı, təhsil siyasəti və liderlik (CVU), menecment – təhsilin təşkili və idarəolunması (ADPU) ixtisasları tədris ediləcək.

Müsabiqədə bakalavr səviyyəsinin təhsil, humanitar və sosial, iqtisadiyyat və idarəetmə və təbiət ixtisasları qruplarında yer alan ixtisaslardan birini bitirən şəxslər iştirak edə bilər.

Dövlət proqramı çərçivəsində maliyyələşdirilən ikili diplom proqramının müddəti 2 ildir. Proqramı uğurla başa vuran tələbələr hər iki ali təhsil müəssisəsinin diplomunu əldə edəcəklər.

Sənədlər aprelin 20-dək qəbul olunur.