Türkiyənin Hatay əyalətində atası tərəfindən ölümcül döyülən birinci sinif şagirdi aldığı zərbələrin təsirindən xəstəxanada ölüb.

Mektebgushesi.az -ın Türkiyə mətbuatına istinadən verdiyi məlumata görə, İskenderun sakini Məhmət Əli Yılmaz oğlu Mərtcanı “pis oxuduğuna görə” tozsoranın dəmir borusu ilə döyüb, Oğlan koma vəziyyətində xəstəxanaya çatdırılıb, lakin həkimlər onun həyatını xilas edə bilməyiblər.
Faciəvi hadisədən sonra, Mərtcanın oxuduğu məktəbin müdirinin açıqlamasından məlum olub ki, dərs ilinin ilk yarısı üçün onun qiymətləndirilməsində ancaq bir “beş” olub.